Khubah Jum’at Bahasa Jawa – Setelah kita mati

dahului dengan Rukun Khutbah.

Hadirin jama’ah jum’ah rohimakumulloh,

Lewat mimbar jum’ah meniko kulo wasiyat dateng awak lulo kiyambak khususipun ugi dateng panjenengan sedoyo umumipun supados kito tansah ningkataken ketaqwaan utawi raos ajreh dateng Allah SWT. Menwai meniko estu-estu kito lampahaken, insyaalah kita bade manggihi gesang engkang wilujeng selamet ndunyo tumusung akherat.

Hadirin jama’ah jum’ah rohimakumulloh,

Syare’at engkang dipun beto dening Rasulullah SAW meniko merupakan sawijining syare’at engkang langkung sampurno dibanding syare’atipun poro Nabi sanes-sanesipun. Kito minongko umatipiun Rasulullah SAW, dipun paringi kautamaan ugi kasih sayang engkang langkung kathah dening Allah SWT katimbang poro umat sanesipun. Antawisipun keutamaan engkang kito tampi minongko umat pilihan meniko kito dipun paringi pangertosan tentang kawontenan engkang bade kito raosaken sesarengan sak sampunipun kito mbenjeng sowan wonten ngersanipun Allah SWT utawi pejah. Poro umat senesipun kito ing zaman sak derengipun kautusipun Rasulullah SAW meniko mboten dipun paringi pangertosan kados mekaten. Meniko merupakan salah setunggalipun bentuk perhatosanipun Gusti Allah supados kito langkung mempersiapkan nasib gesang kito wonten ing Akherat mbenjeng. Dipun riwayataken wonten setunggalipun hadis bilih Rasulullah SAW ngendiko :

“Sak temene nalikane sawijining kawulo kaselehake wonten ing kuburipun, mongko mayyit iku banjur ngrungu suworo serampat sandale poro dulur kang podo ngeterake marang qubure. Banjur wong iku bakal katekanan dening malaikat loro kang nglungguhake mayyit iku. Malaikat munkar lan nakir iku banjur ngendikan : Opo kang siro ngerteni tantang ikilah Nabi (Muhamad)?

Mongko naliko wong kang ditakoni iku mukmin, bakal mangsuli : Kulo nyekseni bilih sak temene  Muhamad iku kawulanipun Allah lan utusanipun. Malaikat iku nuli ngendiko : Ningalono panggonan lungguh siro ono ing neroko. Gusti Allah wus ngganti panggonan lungguh iku ono ing suwargo. Nuli wong mukmin iku ningali karo-karone panggonan neroko lan suwargo iku.

Dene wong kafir lan wong munafik bakal njawab : Aku ora ngerti. Mbiyen aku iso ngucap opo kang podo diucapake dening wong-wong mukmin tentang iku. Banjur malaikat iku ngendiko : Siro ora iso njawab lan ora iso ngucap?? Nuli mayyit iku dipukul palu kang digawe soko wesi ono antarane kuping loro hinggo remuk lan njerit kanti sak banter-bantere hinggo kabeh makhluk kang ono sekitare podo ngrungu kejobo jin lan manungso. (HR. Al-Bukhari kanti pangendikanipun lan Imam Muslim)

Hadis meniko Sinaoso termasuk perkawis engkang ghaib, tetep dipun aturaken dateng kito minongko pepenget sakeng Allah supados kito dados tiang mukmin engkang sak estu lan ampun dados tiang kafir utawi munafiq. Tiyang mukmin engkang sholeh bade ngeraosaken bingah manahipun, qubur dados longgar ngantos 70 dziro’, qubur dados padang, lan jasad ngeraosaken sejuk sumilir angin kairingan suworo burung-burung syurga. Meniko amargi pitakonipun munkar nakir saget kajawab kanti mantep kados pangendikanipun Allah Q.S Ibrahim : 27.

يُثَبِّتُ اللّهُ الَّذِينَ آمَنُواْ بِالْقَوْلِ الثَّابِتِ فِي الْحَيَاةِ الدُّنْيَا وَفِي الآخِرَةِ وَيُضِلُّ اللّهُ الظَّالِمِينَ وَيَفْعَلُ اللّهُ مَا يَشَاءُ ﴿٢٧﴾

Dene kagem tiyang engkang kafir lan munafiq, duginipun malaikat munkar nakir justeru dadosaken raos ajrih lan sikso engkang tansah bertambah. Raos ajrih engkang mboten kanten-kanten meniko kairingi rupekipun qubur engkang dipun panggeni, hinggo tiang meniko bade ngeraos sesek engkang banget ngantos sapi pisah tulang rusuk-ipun. Allah SWT ngendiko wonten Al-qur’an :

وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى ﴿١٢٤﴾

Na’uudzu billahi min dzaalik.

img00342-20110412-1152

Hadirin jama’ah jum’ah rohimakumulloh,

Kadadosan meniko bade dipun alami dening ahli qubur ngantos mbenjeng duginipun yaumil ba’ts utawi dinten qiyamat. Peristiwa qiyamat engkang ngagetaken meniko bade dipun wiwiti dening sumebaripun awan/mendung kande sakeng kilen hinggo nutupi sedoyo jagat. Hinggo akhiripun bade wonten suworo :

يأياالناس أتى أمرالله فلا تستعجلوه

Hai poro menungso, wus teko perintah saking pengeran iro, anging siro ora podo enggal-enggal nglakoni.

Mongko demi Alah dzat kang nguwasani nyowo ingsun (pangendikanipun Nabi Muhammad SAW) wong lanang loro kang podo nggelar kain hurung sempat ngempit, wong kang nyekel gelas hurung sempat ngumbe an wong kang meres susu unto hurung sempat ngrasa’ake, yekti qiyamat iku wis teko.” (HR. At-Tabrani).

Lajeng naliko tiang meniko katangeake saking quburipun bade macem-macem kahananipun. Sedoyo bade nguwatosaken nasibipun kiyambak-kiyambak. Allah SWT ngendiko wonten Al-qur’an :

لِكُلِّ امْرِئٍ مِّنْهُمْ يَوْمَئِذٍ شَأْنٌ يُغْنِيهِ ﴿٣٧﴾

Wonten tiyang engkang katangiake sakeng quburipun kanthi seneng manahipun, sami ngedalaken sinar kemuliyaan sakeng awak’ipun, keranten kathah amal ibadahipun engkang sami dipun ridoni deneng Allah SWT. Kiyamba’ipun saget lumampah dumugi ngersanipun Allah SWT kanti cepet kados dene sak kedipan peningal, wonten engkang kados kilat, kados angin, kados lintang tibo, kados cetepipun mlayuning jaran, kados tiyang mlayu, lan macem-macem bentu’ipun. Lajeng tiyang meniko bade kagiring dumugi bengawan ing pinggiring suwargi hinggo saget siram, saget ngunjuk lan saget membu gandanipun suwargi. Menikolah kahanan tiyang mukmin engkang ahli taat marang Alah SWT lan Rasulipun Muhammad SAW.Tiang meniko bade kalebetaken wonten suwargi kanti langgeng sak lawas-lawasipun kados ngendikanipun Allah SWT :

تِلْكَ حُدُودُ اللّهِ وَمَن يُطِعِ اللّهَ وَرَسُولَهُ يُدْخِلْهُ جَنَّاتٍ تَجْرِي مِن تَحْتِهَا الأَنْهَارُ خَالِدِينَ فِيهَا وَذَلِكَ الْفَوْزُ الْعَظِيمُ ﴿١٣﴾

Hadirin jama’ah jum’ah rohimakumulloh,

kiamatWonten maleh tiyang engkang bade kagiring marang neroko jahannam kanti dipun seret dening poro malaikat, wajahipun wonten ing ngandhap lan wonten engkang mlampah kanthi susah payahipun (HR. An-Nasa’i). Allah ngemutaken tiyang-tiyang meniko engkang sami agawe perkawis olo lan kesasar dalanipun kanti dawuhipun :

الَّذِينَ يُحْشَرُونَ عَلَى وُجُوهِهِمْ إِلَى جَهَنَّمَ أُوْلَئِكَ شَرٌّ مَّكَاناً وَأَضَلُّ سَبِيلاً ﴿٣٤﴾

Wonten engkang dipun tangi’ake sakeng qubur kanthi bentuk semut engkang alit, dipun pidak-pidak deneng poro menungso. Poro sohabatipun Rasuullah SAW sami nyuwun perso : Yaa rasul, punopo sebabipun tiyang kados ngaten? Jawabipun Rasulullah Ikulah piwales kanggo wong kang podo gumedhe (HR. Al-Bazzar). Wong iku bakal di hino deneng saben-saben panggonane, nuli digiring marang pakunjaran kang ono ing neroko jahannam kang aran Bu’as. Pakunjaran iku diubengi dening geni hasil peresan awake ahli neroko ono ing sisih kiwo tengene, arupo bledu kang banger/bacin ambune.

Na’uudzu billahi min dzaalik.

Hadirin jama’ah jum’ah rohimakumulloh,

Pramilo monggo kito tansah ngatos-ngatos, ampun ngantos mbenjeng gesang kito ing akhirat tansah gelo amargi mboten nggadahi sangunipun pejah. Mugi-mugi kito tansah pinaringan hidayah lan inayahipun Allah SWT sehinggo kito saget nglampahaken tugas gesang kanthi istiqomah, pinaringang pejah engkang husnal khotimah, dipun ridloni sedoyo amal kesaenan kito lan dipun paringi pangapunten sedoyo kaepatan lan kekirangan kito pikantok kesaenan ndunyo lan akhirat kito sedoyo Amin yaa robbal alamiin.

 

Sumber Materi

Dr. Muhammad Alawi Al-maiky Al-Hasani, Keutamaan Umat Muhammad, Jakarta : Cakra Lintas Media, 2010

4 Comments

  1. sujono said,

    22/02/2014 at 12:12

    tririmakasih tulisan kutbah ini membantu kami memperoleh tambahan ilmu yang insya allah sangat bermanfaat

  2. ifa said,

    07/02/2015 at 08:13

    Tulisan yang sangat bagus,, terimakasih telah memberi pencerahan yang sangat bermanfaat,, ada juga blog yang isinya juga menarik yang sering saya baca di http://goo.gl/A2P42S

  3. Rohman said,

    20/08/2015 at 01:07

    lanjutkan pak…smg menjadi amal ibadah yang diridloi Allah…


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: